काठमाडौं । नेपाल उद्योग वाणिज्य महासंघको वरिष्ठ उपाध्यक्ष पदमा उमेशलाल श्रेष्ठले उमेदवारी घोषणा गरेका छन् । श्रेष्ठले सोमबार औपचारिक रूपमा महासंघको वरिष्ठ उपाध्यक्षको उमेदवारी घोषणा गरेका हुन् । सो कार्यक्रममा श्रेष्ठको समूह पनि घोषणा गरिएको छ ।
श्रेष्ठको समूहबाट जिल्ला नगर उपाध्यक्षमा दिनेश श्रेष्ठ, वस्तुगतमा हेमराज ढकाल र एसोसिएटमा भरतराज आचार्य उठ्ने छन् ।
यसअघि आइतबार रामचन्द्र संघाईले आफ्नो टिम घोषणा गरेका थिए । विधानअनुसार तीनवर्षपछि अध्यक्ष बन्नको लागि वरिष्ठ उपाध्यक्ष पदमा निर्वाचित हुनुपर्ने हुन्छ ।
वरिष्ठ उपाध्यक्ष पदमा श्रेष्ठ, रामचन्द्र संघाई र अन्जन श्रेष्ठ प्रत्यासी छन् । महासंघको साधारण सभा चैत २८ गते हुनेछ ।
