काठमाडौं । साताको पहिलो कारोबार दिन आइतबार नेप्से परिसूचक १.५२ %ले घटेको छ । नेप्से २८.३१ अंकले घटेर १८३८.४८ को विन्दुमा झरेको छ ।
यस दिन २६८ कम्पनीका ३८ लाख ३० हजार २७७ कित्ता सेयर एक अर्ब १५ करोड ४८ लाख ९८ हजार २११ रुपैयाँमा किनबेच भएको नेपाल स्टक एक्सचेन्जले जानकारी दिएको छ ।
सेन्सेटिभ इन्डेक्स पनि १.२० %ले घटेर ३४८.७९ को विन्दुमा कायम भएको छ ।
१३ वटै उपसमूहको समूहगत परिसूचक ओरालो लागेको छ । जीवन बिमा समूहको समूहगत सूचक सर्वाधिक १.९२ %ले घटेको छ ।
आइतबार कालिञ्चोक दर्शन लिमिटेडको सेयर मूल्य सर्वाधिक ९.९७ %ले बढेको छ ।
१०.२५ % माछापुच्छ्रे बैंक डिभेन्चर २०८५ को सेयर मूल्य सर्वाधिक ७.७५ %ले घटेर प्रतिकित्ता १,०१५.८० रुपैयाँ कायम भएको छ ।
