काठमाडौं । नेपाली बजारमा सुनको मूल्य बढेको छ । सोमबार ७ सयले घटेको सुनको मूल्य आज तोलामा ५ सयले बढेको हो ।
नेपाल सुनचाँदी व्यवसायी महासंघका आज छापावाल सुनको मूल्य प्रतितोला १ लाख ९ हजार ८०० रहेको छ भने तेजावी सुनको मूल्य प्रतितोला १ लाख ९ हजार ३०० रुपैयाँ रहेको छ ।
त्यस्तै, आज चाँदीको मूल्य प्रतितोला १ हजार ४३५ रुपैयाँ रहेको छ । अघिल्लो दिनको तुलनामा चाँदीको मूल्य आज तोलामा ५ रुपैयाँले बढेको हो ।
