काठमाडौं । नेपाल उद्योग वाणिज्य महासंघको पदाधिकारी चयनका लागि अहिले मतदान भइरहेको छ ।
आज बिहान १० बजे सुरु भएको मतदानमा साढे चार बजेसम्म जिल्ला नगर, वस्तुगत र नगरतर्फ कुल मतमध्ये ७० % खसेको मुख्य निर्वाचन अधिकृत लीलामणी पौडेलले जानकारी दिए ।
उनका अनुसार साँझ ६ बजेसम्म मतदान समय तोकिएको छ । त्यसपछि तीन उपाध्यक्षका उमेदवारसँग छलफल गरी बेलुका ८ बजेबाट मतगणना गरिने पनि उनले बताए ।
पहिलो चरण्मा वस्तुगततर्फका सदस्यबाट मत गन्न सुरु गर्ने उनले जानकारी दिए । महासंघमा कुल एक हजार ९८८ मतदाता छन् । जसमा वस्तुगततर्फ १२३ मतदाता छन् । उद्योग वाणिज्यतर्फ ११७ र एसोसिएटतर्फ एक हजार ७४८ मतदाता छन् ।
