काठमाडौं । नेपाली बजारमा आज सुनको मूल्य बढेको छ । नेपाल सुनचाँदी व्यवसायी महासंघका अनुसार बुधबार छापावाल सुनको मूल्य तोलामा २०० रुपैयाँ बढेको छ ।
महासंघका अनुसार आज सुनको मूल्य तोलामा १ लाख ९ हजार ७०० रुपैयाँमा कारोबार भइरहेको छ । गत कारोबार दिन उक्त सुन तोलाको १ लाख ९ हजार ५०० रुपैयाँमा कारोबार भएको थियो ।
तेजाबी सुन आज तोलामा १ लाख ९ हजार २०० रुपैयाँमा कारोबार भइरहेको छ ।
त्यस्तै, आज चाँदीको मूल्य तोलामा ५ रुपैयाँ घटेको छ । तोलामा १ हजार ४१५ रुपैयाँमा कारोबार भइरहेको महासंघले जानकारी दिएको छ ।
