काठमाडौं, पुस ११ (ससं)। इलाका प्रहरी कार्यालय भण्डाराले १८ केजी अवैध लागुऔषध गाँजासहित बाबुछोरालाई शुक्रबार पक्राउ गरेको छ।
पक्राउ पर्नेहरूमा मकवानपुरको राक्सिराङ गाउँपालिका-७ गर्लिङ घर भएका ३५ वर्षीय रामकृष्ण प्रजा र उनका १२ वर्षीय छोरा रहेको इलाका प्रहरी कार्यालय भण्डाराले जनाएको छ।
प्रहरीका अनुसार उनीहरूलाई राप्ती नगरपालिका-४, झरना जाने सडकबाट पक्राउ गरिएको हो।
जाँचका क्रममा उनीहरूको साथमा रहेको कालो झोलामा गाँजा भेटिएको प्रहरीले जनाएको छ।
थप अनुसन्धान र कारबाहीका लागि इलाका प्रहरी कार्यालय खैरहनी ल्याइएको छ। रासस
Total Page Visits: 489 - Today Page Visits: 1
