काठमाडौं । नेपाली बजारमा बुधबार सुनको मूल्य घटेको छ । हिजो सुनको मूल्य प्रतितोला १ लाख ११ हजार १ सय रुपैयाँमा कारोबार भएकोमा आज १ हजार १ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा १ लाख १० हजार रुपैयाँ रहेको छ भने तेजावी सुनको मूल्य प्रतितोला १ लाख ९ हजार ९५० रुपैयाँ रहेको छ ।
त्यस्तै, आज चाँदीको मूल्य पनि घटेको छ । हिजो चाँदीको मूल्य प्रतितोला १ हजार ३ सय ७५ रुपैयाँमा कारोबार भएकोमा आज घटेर प्रतितोला १ हजार ३ सय ७० रुपैयाँ मूल्य कायम भएको महासंघले जानकारी दिएको छ ।
