काठमाडौं, पुस १५ (ससं)। हिजो मंगलबार प्रतितोला ८०० रूपैयाँले घटेको सुनको भाउ आज बुधबार तोलामा १०० रूपैयाँले बढेको छ।
जसअनुसार आज सुनको भाउ प्रतितोला ९४ हजार २०० रूपैयाँ कायम भएको छ।
नेपाल सुनचाँदी व्यवसायी महासंघका अनुसार सुनको भाउमा आज तोलामा सामान्य वृद्धि आएको हो। महासंघका अनुसार आज तेजाबी सुनको मूल्य तोलामा ९३ हजार ७०० रूपैयाँ कायम भएको छ।
सुनको भाउ तोलामा १०० रूपैयाँले बढेको दिन आज चाँदीको भाउ पनि उकालो लागेको छ।
हिजो तोलामा एक हजार ३०० रूपैयाँमा कारोबार भएको चाँदीको मूल्य आज एक हजार ३०५ रूपैयाँ तोकिएको छ।
