काठमाडौं । बीवाईडीले नेपाली बजारमा आफ्नो अट्टो थ्री गाडीलाई फरेस्ट ग्रीन कलरमा सार्वजनिक गरेको छ ।
बीवाईडी नेपालका लागि आधिकारिक बिक्रेता साइमेक्स ईंकले विशेष रङमा यो गाडी १०० वटा मात्रै उपलब्ध रहेको जानकारी दिएको छ ।
अट्टो थ्रीको फरेस्ट ग्रीन कलरको मूल्य ६६ लाख ८८ हजार रूपैयाँ रहेको छ । गाडीमा १०० किलोवाट क्षमताको मोटर र ६०.४८ किलोवाट पावर भएको ब्याट्री प्याक रहेको छ ।
कम्पनीका अनुसार यसले अधिकतम रेन्ज ४२० किलोमिटरसम्म दिन्छ । साइमेक्सका बिक्री प्रमुख आशुतोष गौतमले सीमित संख्यामा फरेस्ट ग्रीन रङमा अट्टो थ्री सार्वजनिक गर्न पाउँदा खुसी व्यक्त गरेका छन् ।
