काठमाडौं । नेपाली बजारमा सुनको मूल्य आज घटेको छ । बिहिबार तोलामै एक लाख १३ हजार ६ सय रुपैयाँ पुगेर नयाँ रेकर्ड बनाएको सुनको मूल्य आज ८ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला एक लाख १२ हजार ८ सय रुपैयाँ रहेको छ भने तेजावी सुनको मूल्य प्रतितोला एक लाख १२ हजार २५० रुपैयाँ रहेको छ ।
त्यस्तै, आज चाँदीको मूल्य पनि घटेको छ । बिहिबार चाँदीको मूल्य प्रतितोला एक हजार ४ सय ९५ रुपैयाँमा कारोबार भएकोमा आज घटेर प्रतितोला एक हजार ४ सय ८० रुपैयाँ कायम भएको महासंघले जानकारी दिएको छ ।
