काठमाडौं । नेपाल सुनचाँदी व्यवसायी महासंघले मंगलबार लागि सुनचाँदीको भाउ सार्वजनिक गरेको छ । नयाँ भाउ अनुसार नेपाली बजारमा आज सुनको मूल्यमा सामान्य बढेको छ । हिजो सुनको मूल्य प्रतितोला एक लाख १२ हजार रुपैयाँमा कारोबार भएकोमा आज दुई सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा एक लाख १२ हजार २ सय रुपैयाँ रहेको छ भने तेजावी सुनको मूल्य प्रतितोला एक लाख ११ हजार ६ सय ५० रुपैयाँ रहेको छ ।
त्यस्तै, आज चाँदीको मूल्य भने घटेको छ । हिजो चाँदीको मूल्य प्रतितोला एक हजार ४ सय ६० रुपैयाँमा कारोबार भएकोमा आज घटेर एक हजार ४ सय ५५ रुपैयाँ मूल्य कायम भएको महासंघले जानकारी दिएको छ ।
