काठमाडौं। विराटनगर महनगरपालिका–१४ मा रहेको एमएम प्लास्टिक उद्योगमा आगलागी भएको छ।
बुधबार बिहान उद्योगको तीन तले भवनको भुइँ तलामा रहेको ‘युपिएस रूम’ मा आगलागी भएको प्रहरीले जानकारी दिएको छ। आगलागीबाट करिब ३ करोड रुपैयाँबराबरको क्षति भएको प्रहरीले बताएको छ।
मोरङ प्रहरी प्रमुख एसपी दीपक पोखरेका अनुसार इलइन्भटरको ब्याट्री सर्ट भएर आगलागी भएको हो। प्रहरी र विराटनगर महानगरपालिकाबाट गएका दुईवटा दमकललाई आगो नियन्त्रणमा लिन दुई घन्टा समय लागेको थियो।
