काठमाडौं। अर्थ सचिव मधुकुमार मरासिनीले अबका नीतिहरू निरासालाई चिर्नेगरी आउने जनाएका छन्।
इकोनोमिक मिडिया एसोसिएसन नेपाल (इमान) ले स्वतन्त्र ऊर्जा उत्पादकहरूको संस्था नेपाल (इप्पान) र नाडा अटोमोबाइल एसोसिएसन नेपाल सँगको सहकार्यमा बिहीबार गरेको प्रिबजेट छलफलमा बोल्दै सचिव मरासिनीले निरासालाई चिर्ने नीति आउने जनाएका हुन् । ‘मुखले भनेको मात्रै होइन व्यवहारमै लागू हुन्छ उनले भने, निरासालाई चिर्ने नीति आउँछ। उद्योग धन्दा चलाउनेहरूलाई सहज महसुस हुन्छ ।
जलविद्युत्का आयोजनाका लागि आयात गरिएका सामानहरू भन्सारमा ३ महिनादेखि रोकिएको इप्पानले जनाएको छ। भन्सारमा रहेको समस्या प्रशासनिक भए कर्मचारीलले र नीतिगत भए अर्थ मन्त्रालयमा जानकारी गराउन सचिव मरासिनीले आग्रह गरे।
