काठमाडाैं । नेपाली बजारमा सोमबार सुनको मूल्यले पुनः नयाँ रेकर्ड कायम गरेको छ ।
लगातार नयाँ रेकर्ड बनाइरहेको सुनको मूल्य आज हालसम्मकै उच्च विन्दुमा पुगेको हो।
सोमबार हालसम्मकै उच्च मूल्यमा सुनको कारोबार भइरहेकाे छ। हिजाे सुन प्रतितोला १ लाख ४० हजार ९ सय रूपैयाँमा कारोबार भएको थियो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ४१ हजार ८ सय रूपैयाँ र तेजाबी सुन प्रतितोला एक लाख ४१ हजार १ सय रूपैयाँमा कारोबार भइरहेको छ।
आइतबार छापावाल सुन प्रतितोला १ लाख ४० हजार ९ सय रूपैयाँ र तेजाबी सुन प्रतितोला १ लाख ४० हजार २ सय रूपैयाँमा कारोबार भएको थियो।
सोमबार चाँदीको मूल्य पनि अघिल्लो दिनको तुलनामा बढेको छ।
आज चाँदीको मूल्य प्रतितोला १ हजार ९ सय ४० रूपैयाँ पुगेको नेपाल सुनचाँदी व्यवसायी महासंघले जानकारी दिएको छ।
आइतबार चाँदी प्रतितोला १ हजार ९ सय १० रूपैयाँमा कारोबार भएको थियो।
यो मूल्य अघिल्लो दिनको तुलनामा प्रतितोला ३० रूपैयाँ बढेको हो।
