काठमाडौं । प्रधानमन्त्री दाहाल (प्रचण्ड )ले प्रतिनिधिसभाबाट चौथो पटक विश्वासको मत पाएका छन्। प्रमुख प्रतिपक्षी दल नेपाली कांग्रेसको नाराबाजीबीच प्रधानमन्त्रीले विश्वासको मत पाएका हुन्। प्रधानमन्त्रीको पक्षमा १५७ र विपक्षमा शून्य मत पर्यो। तटस्थमा १ मत परेको सभामुखले बताएका छन् ।
नेकपा माओवादी केन्द्रका अध्यक्षसमेत रहेका प्रचण्डलाई एमाले, रास्वपा, नेकपा एकीकृत समाजवादी, जसपाको समर्थन छ। सरकारमा सहभागी उपेन्द्र यादव नेतृत्वको जनता समाजवादी पार्टी नेपाल सरकारबाट बाहिरिएपछि प्रधानमन्त्रीले विश्वासको मत लिएका हुन्।
