काठमाडौँ । बैंक तथा वित्तीय संस्थाहरूको खराब कर्जाको दर झन् बढेको छ । अघिल्लो महिना ३.७३ प्रतिशत रहेको बैंकहरूको औसत खराब कर्जाको दर चैत मसान्तसम्ममा थप वृद्धि भएर ३.९८ प्रतिशत पुगेको हो ।
यसले बैंकहरूमाथि वित्तीय व्यवस्थापन मा चुनौती थपेको छ । चैत मसान्तसम्म बैंकहरूले कूल ४५ अर्ब ४३ करोड १० लाख रुपैयाँ नाफा कमाएका छन् ।
जोखिममा परेको लगानीका लागि बैंक तथा वित्तीय संस्थाहरूले नाफाबाट २ खर्ब ३२ अर्ब बढी रकम प्रोभिजन वित्तीय व्यवस्थापन का लागि छुट्याएको केन्द्रीय बैंकले बताएको छ ।
२०८० असार मसान्तसम्म बैंक तथा वित्तीय संस्थाहरूले यस्तो प्रोभिजनका लागि २ खर्ब १८ अर्ब ३८ करोड रुपैयाँ हाराहारी छुट्याएका थिए ।
