काठमाडौं । नेशनल बचत तथा ऋण सहकारी संस्थाका सञ्चालकले बचतकर्ताको करिब डेढ करोड रुपैयाँ ठगी गरेका छन् ।
उक्त सहकारीका सञ्चालकले २० जना बचतकर्ताको १ करोड ३४ लाख ४२ हजार ४९५ रुपैयाँ ठगी गरेर फरार भएको छ ।
फरार हुनेमा सहकारीका अध्यक्षदेखि सञ्चालक समेत रहेका छन् । बचतकर्ताको बचत अपचलन गरेर फरार हुनेमा सहकारीका अध्यक्ष कटक बहादुर श्रेष्ठ, सहकारीका सचिव शंकर प्रसाद श्रेष्ठ, सहकारीका उप सचिव विकास प्रसाद जोशी रहेका छन् ।
