काठमाडौं,पुस २४ (ससं) । बिहीबार उपत्यकामा ट्राफिक नियम उल्लंघन गर्ने दुई हजार ५८० जना चालकलाई ट्राफिक प्रहरीले कारबाही गरेको छ।
कारबाहीमा पर्ने सवारी चालकमा सडक तथा फुटपाथमा पार्किङ गर्ने १८१ जना, जथाभावी यात्रु चढाउने र ओराल्ने १७८ जना छन्।
यसै गरी, ढोका खुला राखेर चलाउने ९६, सडक लेन पालना नगर्ने ९२ जना, रातो बत्तीको उल्लंघन गर्ने ८३ जना, एकतर्फी सडकमा सो विपरीत चलाउने ५९ जना र मदिरा पिएर सवारीसाधन चलाउने ८० जना चालक रहेका छन्।
