काठमाडौं, पुस २५ (ससं) । हिमपातले उत्तरी चीनसँगको सिमाना हिल्सा क्षेत्रमा तापक्रम माइनस १४ डिग्रीमा झरेको छ।
तापक्रममा धेरै गिरावट आएपछि चिसोका कारण बासिन्दाहरु घरबाहिर निस्कन सकेका छैनन्। पानी जमेको अवस्थामा छ।
हिल्सास्थित सीमा सुरक्षा चौकीमा बसिरहेका प्रहरीहरु मुस्किलमापरेका छन्। हिमपातपछि तापक्रम माइनस १४ मा झरेको र जाडो अत्याधिक बढी रहेको छ ।
हिल्सा क्षेत्र कर्णाली नदीको गहिरो खोचमा रहेको हुँदा घाम नलाग्ने र हावा चलिरहने भएका कारण चिसो झनै बढेको हो।
चिसोले धारामा पानी जमेका कारण हिउँ बिलाएर पानी खानु पर्ने बाध्यता रहेको छ। चिसो बढेसँगै नारा लेकमा बाटो हिमपातले अवरुद्ध भएपछि आवत जावत पनि बन्द भएको छ।
