काठमाडौं। गत असार मसान्तसम्म नेपालमा ५८ वटा देशको प्रत्यक्ष वैदेशिक लगानी भित्रिएको छ ।
नेपाल राष्ट्र बैंकका अनुसार यसमा भारतबाट सबैभन्दा बढी अर्थात् ३५ प्रतिशत लगानी भित्रिएको छ । भारतका विभिन्न कम्पनीको नेपालमा १ खर्ब ३ अर्ब ४५ करोड लगानी रहेको राष्ट्र बैंकले जनाएको छ ।
त्यसपछि क्रमशः चीनको ३५ अर्ब ४६ करोड अर्थात् १२ प्रतिशत, आइल्याण्डको २२ अर्ब ६२ करोड ९७।७० प्रतिशत लगानी रहेको छ ।
अस्ट्रेलियाबाट गत असारसम्म १९ अर्ब ६ करोड र सिंगापुरबाट १८ अर्ब ८१ करोड लगानी आएको राष्ट्र बैंकले शुक्रबार सार्वजनिक गरेको सर्वेक्षण प्रतिवेदनमा उल्लेख छ ।
नेपालमा रहेको प्रत्यक्ष वैदेशिक लगानीमध्ये ५९।७ प्रतिशत औद्योगिक क्षेत्रमा र ४०।२ प्रतिशत सेवा क्षेत्रमा रहेको छ । औद्योगिक क्षेत्रअन्तर्गत जलविद्युत्मा ३० प्रतिशत, उत्पादन क्षेत्रमा २९।४ प्रतिशत प्रत्यक्ष वैदेशिक लगानी रहेको देखिन्छ ।
कुल वैदेशिक लगानीमध्ये २६ प्रतिशत सेवाअन्तर्गत बैंक तथा वित्तीय संस्था र बिमा कम्पनीमा रहेको राष्ट्र बैंकले जनाएको छ ।
