काठमाडौं, (ससं) । लगातार चार दिनदेखि सुनको भाउ घट्ने क्रममा आज (मंगलबार) भने बढेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला ६०० रूपैयाँले बढेको हो। योसँगै स्थानीय बजारमा छापावाल सुनको मूल्य प्रतितोला ९२ हजार ८०० रूपैयाँ पुगेको छ।
हिजो सोमबार छापावाल सुनको मूल्य प्रतितोला ९२ हजार २०० रूपैयाँ कायम भएको थियो।
यसैगरी, आज तेजाबी सुनको मूल्य प्रतितोला ९२ हजार ३०० रूपैयाँ कायम भएको छ।
सुनको भाउ बढेसँगै चाँदीको मूल्यसमेत २० रूपैयाँले उकालो लागेको छ। महासंघले आज चाँदीको मूल्य प्रतितोला एक हजार २५० रूपैयाँ कायम गरेको छ।
