काठमाडौं, (ससं) । नेपाल कम्युनिष्ट पार्टी (नेकपा) प्रचण्ड-नेपाल समूहका अध्यक्ष पुष्पकमल दाहाल प्रचण्डकी पत्नी सीता दाहाल भारतको मुम्बईमा उपचार गरेर स्वदेश फर्किएकी छन् । दुई छोरीका साथ भारतबाट सीता बिहीबार नेपाल फर्किएकी हुन् ।
प्रचण्डसहित उनी गत पुस २० गते मुम्बई गएकी थिइन्। प्रचण्ड स्वदेश फर्केको केही दिनपछि सीता पनि स्वदेश फर्केकी छन्।
वंशानुगत पार्किन्सन जस्तो देखिने रोगबाट सीता पीडित छिन्।
यसअघि उनको स्वदेश तथा विदेशका विभिन्न अस्पतालमा उपचार गरिएको थियो।
पछिल्लो समय मुम्बई जानुअघि पनि सीताको मेडिसिटी अस्पतालमा उपचार गरिएको थियो।
