काठमाडौं । सोमबार नेप्से परिसूचक सामान्य अंकले बढेको छ । आइतबार १२.५८ अंकले बढेको बजार आज ६.७८ अंकले बढेर २,६०७.९९ विन्दुमा बन्द भएको हो ।
आज ६ अर्ब ५७ करोड ४ लाख रुपैयाँ बराबरको १ करोड ३६ लाख कित्ता शेयर खरिद विक्री भएको हो । आज कारोबारमा आएका कम्पनीमध्ये ११८ कम्पनीको शेयर बढ्दा ११७ कम्पनीको शेयर घटेको छ । ८ कम्पनीको शेयर मूल्य स्थिर रहेको छ ।
आज मानुषी लघुवित्तको शेयरमूल्य ९ प्रतिशतले बढेको छ भने सर्वाधिक कारोबार रिभर फल्स पावरको भएको छ । कम्पनीको २४ करोड १ लाख रुपैयाँ बराबरको शेयर कारोबार भएको नेप्सेले जनाएको हो ।
