काठमाडौं । प्रधानमन्त्री केपी शर्मा ओलीले अहिले नेपालबाट हुने निर्यात सम्बन्धी तथ्यांक यथार्थ नभएको बताएका छन् ।
नेपाल चेम्बर अफ कमर्सले आयोजना गरेको चेम्बर एक्सपो २०२५ को उद्घाटन समारोहमा बोल्दै उनले यस्तो बताएका हुन् ।
उनले व्यवसायीहरूले आयातित वस्तु नै निर्यात गरेर व्यापार निर्यातको तथ्यांक देखाइरहनुको केही अर्थ नभएको बताएका छन् । उनले यो तथ्यांक हेरेर रमाउनु जरूरी नभएको समेत बताएका छन् ।
नेपालमा बजारको समस्या नरहेकोले उत्पादन बढाउनु पर्ने र अहिले बनेका व्यापारिक सञ्जाल तथा पूर्वाधारको प्रयोग गर्न सकिने बताए ।
२०८१ साउन महिनादेखि यता करिब एक खर्ब (९८ अर्ब ७९ करोड) रूपैयाँ बराबरको वस्तु निर्यात भएको छ । आयातको अनुपातमा निकै कम निर्यात हुने गरे पनि पछिल्लो तीन महिनादेखि निर्यातमा उच्च वृद्धि छ ।
