काठमाडौं । सोमबार पनि शेयर बजार घटेको छ । आज नेप्से परिसुचक १०.९८ अंकले घटेर २,६७७.३२ विन्दुमा बन्द भएको हो ।
त्यस्तै, आज ६ अर्ब ५६ करोड २ लाख रुपैयाँ बराबरको १ करोड ४४ लाख कित्ता शेयर खरिद विक्री भएको छ । आज कारोबारमा आएका कम्पनीमध्ये ७७ कम्पनीको शेयरमूल्य बढ्दा १६१ कम्पनीको शेयरमूल्य घटेको छ । ६ कम्पनीको शेयर मूल्य स्थिर रहेको छ ।
आज न्यादी हाइड्रोपावर लिमिटेड र गार्डियन माइक्रो लाइफ इन्स्योरेन्स लिमिटेडको शेयर मूल्यमा सकारात्मक सर्किट लागेको छ भने सर्वाधिक कारोबार नेपाल रिपब्लिक मिडिया लिमिटेडको भएको छ । कम्पनीको २४ करोड ४४ लाख रुपैयाँ बराबरको शेयर खरिद विक्री भएको नेप्सेले जनाएको छ ।
