काठमाडौं । आइतबार शेयर बजार दोहोरो अंकले बढेको छ । बिहीबार ३.१४ अंकले बढेको बजार आज ११.६६ अंकले बढेर २,७५५.४० विन्दुमा बन्द भएको हो ।
त्यस्तै, आज ११ अर्ब ५४ करोड ८३ लाख रुपैयाँ बराबरको २ करोड १२ लाख कित्ता शेयर खरिद विक्री भएको छ । आज कारोबारमा आएका कम्पनीमध्ये ९१ कम्पनीको शेयरमूल्य बढ्दा १४८ कम्पनीको शेयरमूल्य घटेको छ । ४ कम्पनीको शेयर मूल्य स्थिर रहेको छ ।
त्यस्तै, गार्डियन माइक्रो लाइफ इन्स्योरेन्सको शेयरमूल्यमा सकारात्मक सर्किट लागेको छ भने सर्वाधिक कारोबार हिमालयन रि–इन्स्योरेन्स कम्पनी लिमिटेडको भएको छ । कम्पनीको ९५ करोड ६४ लाख रुपैयाँ बराबरको शेयर खरिद विक्री भएको नेप्सेले जनाएको छ ।
