काठमाडौं, (ससं) । बंगाली फिल्मका बरिष्ठ अभिनेता इन्द्रजीत देवको निधन भएको भारतीय मिडियाले जनाएका छन् । ७३ वर्षीय देवको हृदय घातको कारण शनिबार निधन भएको जनाइएको हो । इन्द्रजीतमा मृगौलाको समस्या पनि रहेको थियो । यसको अलवा उनी अन्य केही गम्भिर रोगको सामना पनि गर्दै आएका थिए ।
इन्द्रजितको शनिबार कोलकाताको गोलपार्कस्थित आफ्नै निवासमा निधन भएको भारतीय मिडिया आजतकले जनाएको छ । गत वर्ष अभिनेताकी श्रीमतीको पनि निधन भएको थियो ।
त्यसपछि उनी घरमा एक्लै रहँदै आएका थिए । उनको कुनै सन्तान भने छैनन् । इन्द्रजितले अभिनयको सुरुवात बंगाली सिरियल ‘तेरो परबोन’ बाट गरेका थिए । त्यसपछि उनले सिरियल र फिल्म थुप्रै अभिनय गरेका छन् ।
