काठमाडौं, (ससं) । सम्पादक एवम् निर्देशक अनिल सम्राटको निर्देशनमा गायक प्रमोद खरेलको स्वरमा रहेको रोमान्टिक गीत ‘ओई माया’को भिडियो सार्वजनिक भएको छ । एस सिने प्रोडक्शन हाउस युट्युव च्यानलबाट सोमबार (हिजो) गीतको भिडियो सार्वजनिक भएको हो ।
गीत रबिलाल पाण्डेले लेखेका हुन् भने विजय बिमुनको संगीत र सरोज लामाको संगीत संयोजन रहेको ‘ओई माया’मा गायक प्रमोद खरेलले स्वर दिएका छन् ।गीतको भिडियोमा सिद्धान्त पौडेल र सिर्जना घिमिरेको अभिनय रहेको छ । हरि बहादुर लामाको छायाँकन र कविता थामीको नृत्य निर्देशन रहेको भिडियोको सम्पादन भने कमल एक्चै मगरले गरेका हुन् ।
