काठमाडौं, (ससं) । प्रधानमन्त्री ओलीले युद्धमा कहिल्यै नहारेको नेपाल खेलकुदमा पनि हार्न नहुने बताएका छन्। राष्ट्रिय खेलकुद परिषद्ले आयोजना गरेको खेलकुदसँग प्रधानमन्त्री अन्तर्क्रिया कार्यक्रममा बोल्दै ओलीले कहिल्यै उपनिवेश र कुनै युद्ध नहारेको नेपालले खेलकुदमा पनि जित्नु पर्ने उनको भनाई छ ।
‘अंग्रेजको लडाइँ खुकुरीले जित्ने नेपालीले खेलमा किन हार्नु परेको छ र! फुटबलमा भकुन्डो हान्ने र क्रिकेटमा बलमा हान्ने त हो, उनले भने, कहिल्यै उपनिवेश नबनेको, कहिल्यै नहारेको देश यत्रा-यत्रा डल्ला फ्याँक्दा किन हार्ने ?
उनले खेलमा हुने जित र हारको ठूलो अर्थ हुने बताएका छन्। अन्य क्षेत्रमा पनि जित र हारको विषय इगो बन्ने गरेको बताए। संसद विघटन पनि जित र हारको विषयमा केन्द्रीत भइरहेको उनको भनाइ रहेको छ।
