काठमाडौं, (ससं) । आइतबार स्थानीय बजारमा सुन र चाँदीको मूल्य वृद्धि भएको छ । साताको पहिलो कारोबार दिन सुन प्रतितोला ६०० रुपैयाँ र चाँदीको मूल्य प्रतितोला २० रुपैयाँ वृद्धि भएको हो ।
नेपाल सुनचाँदी व्यवसायी महासंघका अनुसार आज छापावाला सुन तोलाको ९० हजार ६०० रुपैयाँ र तेजावी सुन ९० हजार १५० रुपैयाँ कारोबार भइरहेको छ ।
त्यस्तै चाँदीको मूल्यमा पनि प्रतितोला २० रुपैयाँ वृद्धि भएको छ । आज चाँदी प्रतितोला १ हजार ३१० रुपैयाँमा करोबार भइरहेको छ ।
शुक्रबार छापावाला सुन प्रतितोला ९० हजार रुपैयाँ, तेजावी सुनको मूल्य ८९ हजार ५५० रुपैयाँ र चाँदी १ हजार २९० रुपैयाँमा कारोबार भएको थियो ।
