पूर्वन्यायाधीश पाण्डेको निधन, संसद विघटनविरुद्ध मुद्दामा भोलि सुनुवाइ नहुने

काठमाडौं, (ससं) । प्रतिनिधिसभा विघटनविरुद्धको मुद्दाको सुनुवाइ मंगलबार नहुने भएको छ । पूर्वन्यायाधीश इन्द्रराज पाण्डेको निधन भएका कारण मंगलबार सुनुवाइ नहुने भएको प्रधानन्यायाधीश चालेन्द्र शमशेर राणाले आजको इजलासमा जानकारी दिएका हुन् । इजलास बुधबारदेखि पुनः निरन्तर हुने राणाले बताएका छन् ।
पाण्डेको सोमबार बिहान वानेश्वर स्थित आफ्नै निवासमा ९० वर्षको उमेरमा निधन भएको थियो ।
तत्कालिन मल्लिक आयोगका सदस्य समेत रहेका पाण्डे विगत लामो समयदेखि नशा सम्बन्धी रोगले पीडित थिए ।
उनको आजै पशुपति आर्यघाटमा अन्त्येष्टि गरिसकिएको छ ।