काठमाडौं, (ससं) । सुनको मूल्य बिहीबार (आज) घटेको छ। छापावाला सुनको मूल्य चार सय रुपैयाँले घटेर ९१ हजार पाँच सय रुपैयाँमा कारोबार भइरहेको नेपाल सुनचाँदी व्यवसायी महासंघको भनाइ छ । बुधबार छापावाला सुन तोलाको ९१ हजार नौ सय रुपैयाँमा कारोबार भएको थियो।
यस्तै तेजाबी सुनको मूल्य पनि तोलामा चार सय रुपैयाँले घटेको छ। महासंघका अनुसार बिहीबार ९१ हजार रुपैयाँमा कारोबार भइरहेको छ। बुधबार तेजाबी सुन तोलाको ९१ हजार चार सय रुपैयाँमा कारोबार भएको थियो।
यस्तै चाँदीको मूल्य तोलामा २५ रुपैयाँले घटेर १३ सय १५ रुपैयाँमा कारोबार भइरहेको छ।
