काठमाडौं, (ससं) । देशभर पछिल्लो २४ घण्टामा थप ९४ जनामा कोरोना संक्रमण पुष्टि भएको छ । योसँगै देशभर कोरोना संक्रमितको कुल संख्या २ लाख ७३ हजार ७६० पुगेको छ।
स्वास्थ्य तथा जनसंख्या मन्त्रालयका अनुसार बुधबार ७१ जना कोरोना संक्रमित डिस्चार्ज भएका छन्। यससँगै हालसम्म डिस्चार्ज हुनेको संख्या २ लाख ७० हजार १३९ पुगेको छ।
हाल देशभर ९ सय ३७ जना सक्रिय संक्रमित रहेका छन्। गत २४ घन्टामा ३ हजार ६ सय ९२ पीसीआर परीक्षण भएको छ।
गत २४ घण्टामा कोरोनाबाट थप १ जनाको मृत्यु भएको छ। हालसम्म कोरोनाबाट ज्यान गुमाउनेको संख्या २ हजार ६६ पुगेको छ।
