Sunday, May 19Nepal News Portal
Shadow

प्रधानमन्त्री ओलीले बनाए सांसद विशाल भट्टराईलाई नेकपा संसदीय दलको प्रमुख सचेतक


काठमाडौं, (ससं) । प्रधानमन्त्री केपी ओलीले विशाल भट्टराईलाई संसदीय दलको प्रमुख सचेतकमा नियुक्त गरेका छन् । शुक्रबार (आज) प्रधानमन्त्री ओलीले बालुवाटारमा भट्टराईलाई संसदीय दलको प्रमुख सचेतकमा नियुक्त गरेका हुन् ।

प्रधानमन्त्री अर्थात् संसदीय दलको नेता ओलीले पार्टी संसदीय दलको प्रमुख सचेतकको जिम्मेवारी  सांसद भट्टराईलाई दिएका हुन् । । ओलीले देव गुरुङलाई संसदीय दलको प्रमुख सचेतकबाट हटाएर भट्टराईलाई नियुक्त गरेका हुन् ।

भट्टराईलाई प्रमुख सचेतक बनेसँगै नेकपा संसदीय दलको नेता, उपनेता र सचेतक ओली समूहकै भएका छन् । संसदीय दलको नेता प्रधानमन्त्री ओली हुन् भने उपनेता सुवासचन्द्र नेम्वाङ हुन् ।
पुस ५ गते प्रधानमन्त्री अ‍ोलीले प्रतिनिधिसभा विघटन गरेपछि नेकपा दुई समूहमा विभाजित छ । एउटा समूहको नेतृत्व पुष्पकमल दाहाल ‘प्रचण्ड’ र माधवकुमार नेपालले गरेका छन् भने अर्को समूहको नेतृत्व प्रधानमन्त्री ओलीले गरेका छन् ।

Total Page Visits: 625 - Today Page Visits: 1
"Udhyognews.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : उद्योग न्युज डटकम’  [Email : [email protected]]

     

प्रतिक्रिया दिनुहोस्