काठमाडौं, (ससं) । प्रधानमन्त्री केपी शर्मा ओलीले आफूले प्रधानमन्त्री पद नछाड्ने र छाड्न नमिल्ने बताएका छन् । हिमालय टिभीका पत्रकार राजेन्द्र बानियाँलाई आइतबार राति दिएको अन्तर्वार्तामा प्रधानमन्त्री ओलीले कम्युनिस्ट आन्दोलनका लागि पनि आफूले पद नछाड्ने बताएका हुन् ।
उनले भने, ‘मैले किन छाड्ने, प्रचण्डलाई मनपरी गर्न दिनका लागि ?’ त्यस्तै उनले अहिले पनि सर्वसम्मत नेता, सर्वसम्मत प्रधानमन्त्री आफूँ भएको बताए । पार्टी प्यालेस र बिहे भोजमा जम्मा भएका भीडले बहुमत छ भन्दैमा आफूले नमान्ने बताए। ‘पार्टी प्यालेस, बिहे भोजमा जम्मा भएको भीडले बहुमत छ भन्दैमा हुन्छ ? म प्रक्रियाबाट प्रधानमन्त्री भएको हुँ, प्रक्रियामै गए भैगो नि ओलीले भने।
