Monday, July 15Nepal News Portal
Shadow

अकस्मात बस्यो मन्त्रिपरिषद् बैठक, राष्ट्रपति भण्डारी समक्ष यस्तो सिफारिस


काठमाडौं, (ससं) । आज सोमबार बिहानै अकस्मात मन्त्रिपरिषद् बैठक बसेको छ । सर्वाेच्च अदालतले फागुन ११ गते फैसला गर्दै प्रतिनिधिसभा पुनर्स्थापना गरेर संसद अधिवेशन बोलाउन दिएको आदेश कार्यान्वयन गर्न बैठक बसेको हो ।
मन्त्रिपरिषद् बैठकले फागुन २३ गते अपराह्न ४ बजेका लागि प्रतिनिधिसभा अधिवेशन आह्वान गर्ने निर्णय गरेको छ ।

प्रधानमन्त्री निवास बालुवाटारमा बिहान बसेको बैठकले फागुन २३ गतेका लागि प्रतिनिधिसभा अधिवेशन आह्वानका लागि राष्ट्रपति विद्या भण्डारीसमक्ष सिफारिस गर्ने निर्णय गरेको ऊर्जा, जलस्रोत तथा सिँचाई मन्त्री टोपबहादुर रायमाझीले बताएका छन् ।

फागुन ११ गते सर्वोच्च अदालतले प्रतिनिधिसभा पुनर्स्थापना गर्दै १३ दिनभित्र संसद अधिवेशन बोलाउन आदेश गरेको थियो ।

गत शुक्रवारकै मन्त्रिपरिषद् बैठकले नै अधिवेशन आह्वानका लागि सिफारिस गरेको हल्ला फैलिएपनि आज सोमबारको बैठकले सिफारिस गरेको जनाइएको छ ।

"Udhyognews.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : उद्योग न्युज डटकम’  [Email : [email protected]]

     

प्रतिक्रिया दिनुहोस्