काठमाडौं, (ससं) । नेपाल आयल निगमले पेट्रोलियम पदार्थको मूल्य वृद्धि गरेको छ । भारतीय आयल निगम (आईओस)ले बढाएसँगै निगमले पनि मूल्य वृद्धि गरेको हो । भारतीय निगमले पेट्रोलियम पदार्थको मूल्य सोमबार फेरि बढाएर पठाएको निगमले जनाएको छ । आईओसीले सोमबारदेखि लागू हुने गरी पेट्रोलियम पदार्थको मूल्य बढाएर पठाएको छ ।
निगमले फागुन १७ गते राति १२ बजेदेखि लागु हुनेगरी पेट्रोल, डिजेल र मतिटेलको मूल्य प्रतिलिटर २ रुपैयाँले वृद्धि गरेको छ । अब पेट्रोलको मूल्य प्रतिलिटर ११६ रुपैयाँ पुगेको छ भने मटितेल र डिजेलको मूल्य ९९ रुपैयाँ पुगेको छ । हवाई इन्धनको मूल्य पनि आन्तरिकतर्फ प्रतिलिटर ५ रुपैयाँले वृद्धि भएको छ ।
