Friday, July 12Nepal News Portal
Shadow

आरआर क्याम्पसमा प्रचण्ड–नेपाल र ओली पक्ष समूहका विद्यार्थीबीच झडप,पक्राउ परेका दुवै जना छुटे


काठमाडौं, (ससं) । काडमाडौंको प्रदर्शनीमार्गस्थित रत्नराज्य लक्ष्मी (आरआर) क्याम्पसमा प्रचण्ड–नेपाल र ओली पक्ष समूहका विद्यार्थीबीच आज (मंगलबार) झडप भएको छ। प्रचण्ड–नेपाल समूह निकट विद्यार्थीहरुले क्याम्पस हाताभित्र निर्माण गरेको सोधपुछ कक्षमा टाँगिएको ब्यानरलााई ओली पक्षका विद्यार्थीहरुले च्यातिदिएपछि विवाद भएको हो।
झडपमा संलग्न भएको आरोपमा प्रहरीले प्रचण्ड–नेपाल पक्षका विद्यार्थी नेताहरू शिशिर वस्याल र मिनराज पान्डेलाई नियन्त्रणमा लिएको थियो। तर, समान्य छलफलपछि उनीहरुलाई प्रहरीले सम्झाएर छोडिसकेको छ।

ओली पक्षका विद्यार्धी नेता उज्वल खड्काले क्याम्पस हाताभित्र प्रचण्ड–नेपाल पक्षका विद्यार्थीहरुले ब्यानरसहित सोधपुछ कक्ष राखेपछि आफूहरुले उक्त ब्यानर हटाउन भनेको तर नमानेपछि निकालिदिएको दाबी गरेका छन् । ब्यानर निकालेपछि प्रचण्ड–नेपाल पक्षका विद्यार्थीहरुले आफूहरुमाथि आक्रमण गरेको ओली पक्षको दाबी रहेको छ। खड्काकाअनुसार ओली पक्षका विद्यार्थीहरुले हिजो राखेको सोधपुछ कक्षको ब्यानरलाई प्रचण्ड–नेपाल पक्षका विद्यार्थीहरुले निकालिदिएका थिए।

तर, प्रचण्ड–नेपाल पक्षका विद्यार्थीले भने ब्यानर हटाउन खोजेपछि आफूहरुले प्रतिवाद मात्र गरेको बताएका छन्। झडपपछि पक्राउ परेका विद्यार्थी नेता बस्यालले हिजो दुबै पक्षबीच ब्यानर सहितको सोधपुछ कक्ष राख्ने सहमति भएको तर आज अचानक ओली समूहका विद्यार्थीले हस्तक्षेप गरेको दाबी गरेका छन् ।

"Udhyognews.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : उद्योग न्युज डटकम’  [Email : [email protected]]

     

प्रतिक्रिया दिनुहोस्