Saturday, April 13Nepal News Portal
Shadow

मंगलबार शेयर बजार राताम्य, दुई समूहबाहेक सबै समूहको परिसूचक घट्यो


काठमाडौं, (ससं) । साताको तेस्रो कारोबार दिन मंगलबार (आज) नेप्से परिसूचक घटेर बन्द भएको छ । आज नेप्से परिसूचक ५९.७० अंक घटेर २४५५.३३ विन्दुमा झरेको हो । हिजोको तुलनामा नेप्से परिसूचक २.३७ प्रतिशतले घटेको नेप्सेले जनाएको छ ।

त्यस्तै आज कारोबार रकम भने हिजोको तुलनामा वृद्धि भएको छ । हिजो ५ अर्ब ६० करोड रुपैयाँको शेयर कारोबार भएकोमा आज ६ अर्ब ११ करोड रुपैयाँको शेयर कारोबार भएको हो । २०८ कम्पनीको १ करोड ३१ लाख ६ हजार ७३८ कित्ता शेयर खरिद विक्री भएको छ ।

आज कारोबारमा आएका १३ वटा समूहमध्ये उद्योग समूह र होटल तथा पर्यटन समूहको परिसूचक वृद्धि भएको छ भने बाँकी समूहको परिसूचक राताम्य भएको छ । उद्योग समूहको परिसूचक ९.१८ प्रतिशतले वृद्धि भएको छ भने होटल तथा पर्यटन समूहको परिसूचक ०.८ प्रतिशतले वृद्धि भएको छ ।

आज सर्वाधिक शेयर मूल्य वृद्धि साल्ट ट्रेडिङ कर्पाेरेशन लिमिटेडको भएको छ । यो कम्पनीको शेयर मूल्य ९.९९ प्रतिशतले वृद्धि भएको छ । आज यो कम्पनीको प्रतिशेयर मूल्य ९ हजार २९३ पुगेको छ । त्यस्तै चन्द्रागिरि हिल्स लिमिटेडको शेयर मूल्य पनि ९.८९ प्रतिशतले वृद्धि भएको छ । यो कम्पनीको शेयर मूल्य ५०० रुपैयाँ पुगेको हो ।

आज सर्वाधिक मूल्यको शेयर खरिद विक्री एशियन लाइफ इन्स्योरेन्स कम्पनीको भएको छ । यो कम्पनीको २८ करोड २६ लाख रुपैयाँभन्दाबढीको शेयर खरिद विक्री भएको छ ।

Total Page Visits: 552 - Today Page Visits: 1
"Udhyognews.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : उद्योग न्युज डटकम’  [Email : [email protected]]

     

प्रतिक्रिया दिनुहोस्