काठमाडौं, (ससं) । देशभर पछिल्लो २४ घण्टामा थप ७८ जना कोरोना संक्रमित थपिएका छन्। योसँगै देशभर कोरोना संक्रमितको कुल संख्या २ लाख ७४ हजार २९४ पुगेको छ।
स्वास्थ्य तथा जनसंख्या मन्त्रालयका अनुसार (आज) मंगलबार ७२ जना कोरोना संक्रमित डिस्चार्ज भएका छन्। योसँगै हालसम्म डिस्चार्ज हुनेको संख्या २ लाख ७० हजार ५४३ पुगेको छ।
देशभर हालसम्म ९७४ सक्रिय संक्रमित रहेका छन्। गत २४ घन्टामा ४ हजार १ सय २७ पीसीआर परीक्षण भएको छ।
गत २४ घण्टामा कोरोनाबाट कसैको पनि मृत्यु भएको छैन। हालसम्म कोरोनाबाट ज्यान गुमाउनेको संख्या २ हजार ७ सय ७७ पुगेको छ।
