काठमाडौं, (ससं) । बलिउडकी ‘भर्सटायल’गायिका श्रेया घोषालले आफू आमा बन्न लागेको जानकारी दिएकी छिन्। घोषालले सामाजिक सञ्जालमा आफू गर्भवती रहेको जानकारी दिएकी हुन्।
उनले गर्भावस्थाको तस्बिर सार्वजनिक गर्दै लेखेकी छन्, ‘श्रेया र आदित्यको सन्तान आउने क्रममा छ। हामी यो खबर तपाईँहरुसँग साझा गर्न पाउँदा एकदमै हर्षित, छौँ। जीवनको नयाँ अध्यायको तयारी गरिरहेका हामीलाई तपाईँहरुको माया र आर्शिवादको खाँचो छ।’
चर्चित गायिका श्रेयाले व्यवसायी शिलादित्य मुखोपाध्यायसँग विवाह गरेकी थिइन्। ३६ वर्षकी गायिका पहिलोपटक आमा बन्न लागेकी हुन् ।
