काठमाडौं, (ससं) । डिप्रोक्स लभुवित्त वित्तीय संस्था लिमिटेडको १९औं वार्षिक साधारणसभा आगामी चैत २० गते शुक्रबार हुने भएको छ । फागुन २१ गते शुक्रबार बसेको कम्पनी सञ्चालक समितिको बैठकले होटल मोनालिसा सौराहा, चितवनमा विहान ११ बजे सभा आयोजना गर्ने निर्णय गरेको हो ।
सञ्चालक समितिले प्रस्ताव गरेको ५ प्रतिशत नगद लाभांश र १५ प्रतिशत बोनस शेयर उक्त सभाबाट परित गरिने छ । कम्पनीले आर्थिक वर्ष २०७६/७७ को मुनाफाबाट चुक्तापूूँजीको ५ प्रतिशत नगद लाभांश र १५ प्रतिशत बोनस शेयर शेयरधनीहरुलाई दिने निर्णय गरिएको छ ।
साधारणसभा प्रयोजनका लागि चैत १० गतेदेखि चैत २० गतेसम्म शेयर दाखिल खारेज बन्द (बुक क्लोज) रहनेछ । चैत ९ गतेसम्म नेपाल स्टक एक्सचेञ्ज (नेप्से) मा कारोबार भई नियमानुसार सि.डि.एस.एण्ड क्लियरिङ्ग लिमिटेडबाट राफसाफसमेत भई शेयर रजिष्ट्रार सिद्धार्थ क्यापिटल लिमिटेडमा रहेको दर्ता किताबमा कायम हुन आएका शेयरधनीहरुले मात्र बोनस शेयर र नगद लाभांश प्राप्त गर्न सक्नेछन् ।
