काठमाडौं, (ससं) । नेकपा माओवादी केन्द्रका नेता वर्षमान पुनले चैत ५ गतेपछि नेपाली कांग्रेस, माओवादी केन्द्र र जनता समाजवादी पार्टी मिलेर नयाँ सरकार बन्ने ठोकुवा गरेका छन् । माओवादी केन्द्रको संसदीय दलको बैठकपछि पत्रकारहरूसँग कुरा गर्दै नेता पुनले चैत ५ गते जसपाको बैठक रहेको र त्यो बैठकपछि नयाँ सरकार बन्ने दाबी गरेका हुन् ।
यी दलहरुले प्रधानमन्त्रीको कदम विरुद्ध कदम चालेकोले तीन दल मिलेर सरकार बनाउँने उनको भनाई छ ।
आज बसेको संसदीय दलको बैठकले दलको नेतामा अध्यक्ष पुष्पकमल दाहाल प्रचण्डलाई नै कायम राख्ने निर्णय गरेको उनले बताए। एमालेमा गएका नेताहरूलाई पार्टीमा फर्कनसमेत समय दिइएको उनको भनाइ छ।
