काठमाडौं, (ससं) । नेपालमा फेरी कुखुरा, हाँस तथा बट्टाईमा पुनः बर्डफ्लु देखा परेको छ । ललितपुरको नख्खुमा कृषकले पालेका पन्छीमा परीक्षण गर्दा बर्डफ्लु देखिएको हो ।
बर्डफ्लु देखिएपछि ५ सय १६ हाँस, ८ सय ५४ स्थानीय कखुरा, १ सय ५४ बट्टाई, ९ सय ४४ अण्डा र ३ सय ३५ किलो दाना नष्ट गरिएको पशु सेवा विभागले जनाएको छ । रोग देखा परेको क्षेत्रलाई पूर्ण रूपमा निःसंक्रमण गरिएको छ ।
गत माघदेखि काठमाडौं, सुर्खेत र जाजरकोटमा बर्डफ्लु देखिएको थियो । विभिन्न ठाउँमा बर्डफ्लु देखा परेपछि विभागले फार्म परिसरमा जैविक सुरक्षाका विधिहरु अलम्बन गर्न, पन्छीपालक कृषकहरुले फार्म परिसरमा नियमित रुपमा निःसंक्रण गर्न तथा व्यक्तिगत सरसफाइमा आग्रह गरेको छ ।
