उद्योग न्यूज
काठमाडौं, २३ वैशाख । नेपाली बजारमा आज (विहिवार) सुनको मूल्य ३ सय रुपैयाँले बढेको छ ।
नेपाल सुनचाँदी व्यवसायी महासंघका अनुसार बुधबार (हिजो ) प्रतितोला ९० हजार ३ सय रुपैयाँमा निर्धारण भएको छापावाला सुनको मूल्य आज ९० हजार ६ सय रुपैयाँ कायम भएको छ ।
त्यस्तै तेजावी सुन ९० हजार १ सय रुपैयाँ तोकिएको छ । बुधबार तेजावी सुनको मूल्य प्रतितोला ८९ हजार ८ सय रुपैयाँ कायम रहेको थियो ।
सुनको मूल्यवृद्धि भए पनि चाँदीको मूल्य भने प्रतितोला ५ रुपैयाँले घटेको महासंघले जनाएको छ । आज चाँदीको मूल्य १ हजार ३ सय १५ रुपैयाँ निर्धारण भएको छ । बुधबार चाँदीको मूल्य १ हजार ३ सय २० रुपैयाँ रहेको थियो।
