काठमाडौं । नेपाली कांग्रेस, नेकपा माओवादी केन्द्र र जनता समाजवादी पार्टी (जसपा)ले संविधानको धारा ७६ (२) अनुसार नयाँ सरकार गठनको प्रक्रिया सुरू गर्ने आह्वान गर्न राष्ट्रपति विद्यादेवी भण्डारीलाई आग्रह गरेका छन् । प्रधानमन्त्री केपी शर्मा ओलीले सोमबार (आज) प्रतिनिधि सभामा विश्वासको मत गुमाएलगत्तै संयुक्त विज्ञप्ति जारी गर्दै कांग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल (प्रचण्ड) र जसपाका अध्यक्ष उपेन्द्र यादवले नयाँ सरकारको प्रक्रिया सुरू गर्न आह्वान गरेका हुन्।
प्रधानमन्त्री ओलीका पक्षमा ९३ मत आएको थियो भने उनको विपक्षमा भने १२४ मत आएको थियो । त्यस्तै १५ जना तठस्थ बसेका थिए । ओलीलाई माधव नेपाल पक्षका २८ जना सांसदले भोट दिएनन्।
