Wednesday, April 24Nepal News Portal
Shadow

राष्ट्रिय वाणिज्य बैंक र प्रभु बैंकले पाए ऋणपत्र जारी गर्न अनुमति


काठमाडौं । राष्ट्रिय वाणिज्य बैंक र प्रभु बैंकलाई नियामक निकाय नेपाल धितोपत्र बोर्ड (सेबोन)ले ऋणपत्र जारी गर्न अनुमति दिएको छ । बोर्डले वैशाख १६ गते प्रभु बैंकलाई र वैशाख २२ गते राष्ट्रिय वाणिज्य बैंकलाई ऋणपत्र निष्कासन गर्न अनुमति दिएको हो ।

योसँगै राष्ट्रिय वाणिज्य बैंकले २ अर्ब ५० करोड रुपियाँ बराबरको २५ लाख कित्ता ऋणपत्र जारी गर्न पाउँने भएको छ । त्यस्तै प्रभु बैंकले ४ अर्ब रुपैयाँ बराबरको ४० लाख कित्ता ऋणपत्र जारी गर्न अनुमति पाएको छ ।

राष्ट्रिय वाणिज्य बैंकलाई बोर्डले प्रतिकित्ता १ हजार रुपैयाँ दरले कुल २५ लाख कित्ता ऋणपत्र बिक्री गर्न अनुमति दिएको छ । यसमध्ये १० लाख कित्ता ऋणपत्र सर्वसाधारणका लागि बिक्री खुला हुनेछ भने बाँकी १५ लाख इकाई बैंकले आफ्नै पहलमा अन्य संघसंस्थालाई बिक्री गर्नेछ । राष्ट्रिय वाणिज्य बैंकले वार्षिक ८.५ प्रतिशत ब्याजदरको ‘आरबीबीएल डिबेन्चर २०८३’ जारी गर्न लागेको हो । ऋणपत्र जारी गर्न एनआइबीएल एस क्यापिटललाई बिक्री प्रबन्धकको रुपमा नियुक्त गरिएको छ ।

त्यसैगरी प्रभु बैंकले प्रतिकित्ता १ हजार रुपैयाँको दरमा ४० लाख कित्ता ऋणपत्र बिक्री गर्ने छ । यसमध्ये १६ लाख कित्ता सर्वसाधारणका लागि खुला हुनेछ भने बाँकी २४ लाख कित्ता बैंकले आफ्नै पहलमा अन्य संघ–संस्थालाई बिक्री गर्नेछ ।

बैंकको ऋणपत्रको बिक्री प्रबन्धक मेगा क्यापिटल मार्केट रहेको छ । बैंकले १० वर्ष अवधिको वार्षिक ८.५ प्रतिशत ब्याजदर पाइने ‘प्रभु बैंक डिबेन्चर–२०८७’ जारी गर्न लागेको हो ।

Total Page Visits: 1187 - Today Page Visits: 1
"Udhyognews.com!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र ताजा समाचार : उद्योग न्युज डटकम’  [Email : [email protected]]

     

प्रतिक्रिया दिनुहोस्