काठमाडौं । सरकारले सबै अन्तर्राष्ट्रिय उडान जेठ १७ गतेसम्म बन्द गर्ने निर्णय गरेको छ । नेपाल नागरिक उड्डयन प्राधिकरणले नेपाल र भारतबीचको उडान बाहेक सबै उडान स्थगन भएको जनाएको हो।
प्राधिकरणले जेठ १७ गते सोमबारसम्म एयर बबल सुविधाबाहेकका उडान स्थगन भएको जनाएको छ। सरकारले यसअघि बैशाख २३ गते रातिबाट ३१ गतेसम्म अन्तर्राष्ट्रिय उडान बन्द गर्ने निर्णय गरेको थियो।
मंगलबार पर्यटन मन्त्रालयमा भएको छलफलमा भारत बाहेकका अन्य देशमा गरिएको हवाई बन्दलाई निरन्तरता दिएको हो । आन्तरिक उडान तर्फपनि सरकारले सोहि समयसम्म रोक्न तयारी गरेको छ ।
