काठमाडौं । खोटाङको दिक्तेल रुपाकोट मझुवागढी नगरपालिकाका मेयर र उपमेयरले आफूले प्रयोग गर्दै आएका २ वटा गाडी एम्बुलेन्सको रुपमा प्रयोग गर्न दिने घोषणा गरेका छन् । जिल्लामा कोरोना संक्रमितको संख्या बढ्न थालेपछि नगरप्रमुख दिपनारायण रिजाल र उपप्रमुख बिणादेवी राईले प्रयोग गर्दै आएका बा. २ झ ३४६७ र को १ झ ६६८ नम्बरका २ वटा गाडी एम्बुलेन्स बनाउँने निर्णय गरेका हुन् ।
कोरोना भाइरस नियन्त्रण र व्यवस्थापनलाई ध्यानमा राखी एम्बुलेन्सको रूपमा जेठ १ गते (आज)बाटै अस्पतालसम्म बिरामी ओसारपसारका लागि प्रयोगमा ल्याउन दिने निर्णय गरिएको मेयर दिपनाराय रिजालको सचिवालयले जनाएको छ ।
Total Page Visits: 1506 - Today Page Visits: 1
