‘माइतीघर २’ का निर्देशक सुवोध चोपडाको कोरोनाका कारण निधन

काठमाडौं । चलचित्र ‘माइतीघर २’का निर्देशक सुवोध चोपडाको कोरोनाका कारण निधन भएको छ । उनको हिजो (शुक्रबार) मुम्बइमा निधन भएको निर्माता भुबन केसीले जानकारी दिएका हुन् ।
सुवोध चोपडाको निधन भएपछि नायक अनमोल केसीले पनि दुःख व्यक्त गरेका छन् । उनले सामाजिक संजालमा स्टाटस लेख्दै आफू स्तब्ध भएको बताएका छन् ।
सन् १९९७ देखि नै चलचित्रमा सक्रिय रहेका सुवोध स्क्रिप्ट राइटर हुन् । उनले ‘मर्डर, रोग, तुमसा नहीँ देखा’ लगायतका चलचित्रको स्क्रिप्ट लेखेका थिए । उनले, वि.सं २०२३ मा निर्माण भएको चलचित्र ‘माइतीघर’को कथालाई अगाडि बढाउँदै ‘माइतीघर २’ बनाउने तयारी गरेका थिए ।